Испания чемпионатининг 4-тури доирасида марказий ўйин бўлиб ўтди. "Барселона" ўз уйида "Валенсия"ни йирик ҳисобда мағлуб этди.

Каталонияликлар учрашувни жуда шиддат билан бошлашди. Иккинчи дақиқада де Йонгнинг узатмасидан кейин Ансуман Фати ҳисобни очди. Орадан 5 дақиқа ўтиб 16 ёшли футболчи чап қанотдан жарима майдонига кириб, 3 ҳимоячини ортда қолдирди ва узатма берди. Френки де Йонг яқин масофадан дарвозани ишғол қилди. 2:0.

Биринчи бўлимнинг 31-дақиқасида "кўршапалаклар" чиройли ҳужум ташкил қилиб, ҳисобни қисқартиришди ва ўйинга интригани қайтаришди.

Иккинчи бўлимда ҳам майдон эгалари ташаббусни ўз томонларида сақлаб туриб, яратилган вазиятлардан самарали фойдаланишди. Айниқса, захирадан майдонга тушган Луис Суарес иккита гол уришга муваффақ бўлди.

Ўйин сўнгида "Валенсия" иккинчи тўпни рақиб дарвозасига жойлади. Якуний ҳисоб — 5:2.

"Барселона" ўз очколарини 7тага етказиб, жадвалда 4-ўринга кўтарилиб олди.

Испания Ла лигаси, 4-тур
Барселона – Валенсия 5:2 (2:1, 3:1)
Голлар: 1:0 – 2 Фати, 2:0 – 7 де Йонг, 2:1 – 27 Гамейро, 3:1 – 51 Пике, 4:1 – 61 Суарес, 5:1 – 82 Суарес, 5:2 – 90 Макси Гомес.
Барселона – тер Стеген, Пике, Семеду, Лангле, Альба, Бускетс, Артур (Видаль, 73), Фати (Суарес, 60), де Йонг (Ракитич, 70), Карлес Перес, Гризманн.
Валенсия – Силлессен, Гайя, Габриэл Паулиста, Гарай, Васс, Парехо, Коклен, Ферран Торрес (Ли Кан Ин, 67), Гедеш (Черышев, 67), Родриго (Макси Гомес, 72), Гамейро.
Огоҳлантиришлар: Родриго (31), Альба (53), Ли Кан Ин (69), Макси Гомес (78), Черышев (84).