Россиянинг «Футбол-Футбол» нашри Криштияну Роналду томонидан келажакда «олтин тўп»ни қўлга киритиши мумкин бўлган футболчилар ҳақида берган барча интервьюларини бир жойга жамлашга муваффақ бўлди. Тўғри, бу интервьюлар турли вақтларда берилган бўлсада, футболчининг мухлисларида катта қизиқиш уйғотиши аниқ.
Эден Азар
Унинг ўйин услуби менга жуда ёқади. Эден тезкор ва майдонни жуда яхши кўра олади. Унинг АПЛ сингари кучли чемпионатда ўзини кўрсата олгани унга бўлган хурматимни оширган эди. У эндиликда «Реал Мадрид» жамоаси футболчиси. Ўйлашимча, мен ва Мессидан сўнг, энг кучли футболчи номи учун курашда Эден фоворит бўлиши мумкин. Унда бунинг учун барча имкониятлар етарли.
Неймар
У жуда буюк футболчи. Умид қиламанки, у жароҳатидан фориғ бўлади ва яна сафга қайтади. ОчиғИ Неймар мен учун бегона эмас, у билан ўртамизда дўстона алоқалар мавжуд. Биз у билан реклама роликларида бирга суратга тушдик ва анча яқиндан танишиб олишга муваффақ бўлдик. Унда биринчи рақамли бўлиш учун барча имкониятлар мавжуд бироқ, имкониятлардан фойдаланиш учун тинимсиз изланиш ва машғулотлар ўтказиш лозим.
Мбаппе
Менга Мбаппенинг ўйини манзур келмоқда. Энг қизиғИ шундаки, у ҳали 21 ёшга ҳам тўлгани йўқ, бироқ бутун дунё уни таниганига 3 йилдан ошиб кетди. Тўғри, унда «олтин тўп» совринини қўлга киртиш имкони жуда кам бироқ, Киллиан ҳали жуда ёш ва унинг кариераси тўлиқ олдинда. Мбаппе барчасига улгуради. Шахсан мен Мен ва Мессидан сўнг, Мбаппенинг даври бошланишига шубха қилмайман.
