Италия чемпионатининг 3-тури доирасида "Милан" сафарда "Верона" клуби меҳмони бўлиб, кичик ҳисобда ғалаба қозонди.

Учрашувнинг 21-дақиқасида мезбонлар ҳужумчиси Стемпиньски майдондан четлатилди. У оёғини баланд кўтариб, "Милан" футболчиси елкасига зарба бериб юборди.

Миланликлар майдонда бир кўп бўлиб қолишганига қарамай, рақиб дарвозасига йўл топишлари қийин кечди. Фақатгина иккинчи бўлим ўрталарига келиб, "Верона" дарвозаси томон пенальти белгиланди ва ундан Кшиштоф Пионтек самарали фойдаланиб, ҳисобни очди.

Мазкур гол ўйинда ягоналигича қолди. Ушбу ғалабадан кейин "россонери" ўз очколарини 6тага етказиб олди.

Италия А серияси, 3-тур
Верона – Милан 0:1 (0:0, 0:1)
Гол: 0:1 – 68, пенальти Пионтек.
Верона – Сильвестри, Ррахмани (Тутино, 79), Кумбула, Гюнтер, Фараони, Амрабат, Велозу, Лазович, Верре (Пессина, 67), Стемпиньски, Дзакканьи (Ди Кармине, 79).
Милан – Доннарумма, Калабрия, Мусаккьо, Романьоли, Родригес, Кессиэ, Биглия, Чалханоглу, Сусо, Лукас Пакета (Ребич, 46), Пионтек.
Огоҳлантиришлар: Пионтек (24), Лукас Пакета (35), Велозу (39), Гюнтер (64), Амрабат (74), Сильвестри (85), Ребич (86).
Четлатиш: Стемпиньски (21), Калабрия (90+4).