Европа чемпионлар лигаси "В" гуруҳида иштирок этаётган "Тоттенхэм" Грецияга сафар уюштириб, бор-йўғи 1 очко билан қайтди.

Ваҳоланки, лондонликлар баҳснинг 30-дақиқасига келиб иккита тўп фарқи билан олдинга ўтиб олишган эди. Дастлаб Харри Кейн пенальтидан самарали фойдаланган бўлса, орадан 4 дақиқа Лукас Моура ҳисобдаги фарқни оширган эди.

Аммо «Олимпиакос» тезда мувозанатни тиклади. Жамоа биринчи бўлим тугаш арафасида Поденсенинг голи эвазига ҳисобни тенглаштирди, иккинчи бўлим бошида "Тоттенхэм" дарвозаси томон белгиланган пенальтини Вальбуэна аниқ амалга оширди.

«Бавария» эса мусобақани йирик ҳисобдаги ғалаба билан бошлади. Мюнхенликлар «Црвена Звезду» дарвозасига жавобсиз 3та тўп йўллашди.

Европа чемпионлар лигаси, 1-тур
"B" ГУРУҲИ
Олимпиакос Греция – Тоттенхэм Англия 2:2 (1:2, 1:0)
Голлар: 0:1 – 26, пенальти Кейн, 0:2 – 30 Лукас Моура, 1:2 – 44 Поденсе, 2:2 – 54, пенальти Вальбуэна.
Олимпиакос – Жозе Са, Эльабделлауи, Рубен Семеду, Мерья, Цимикас, Гильерме, Бухалакис, Масурас (Ранджелович, 78), Вальбуэна (Бензия, 69), Поденсе, Герреро (Эль-Араби, 89).
Тоттенхэм – Льорис, Санчес, Алдервейрелд, Вертонген, Дэвис, Уинкс, Ндомбеле (Сиссоко, 62), Лукас Моура (Ламела, 76), Эриксен, Алли (Сон Хын Мин, 73), Кейн.
Огоҳлантиришлар: Гильерме (14), Уинкс (88).

Бавария Германия – Црвена Звезда Сербия 3:0 (1:0, 2:0)
Голлар: 1:0 – 34 Коман, 2:0 – 80 Левандовски, 3:0 – 90 Мюллер.
Бавария – Нойер, Киммих, Зюле, Павар, Люка Эрнандес, Толиссо (Мартинес, 65), Алькантара, Коман, Коутиньо (Мюллер, 83), Перишич (Гнабри, 66), Левандовски.
Црвена Звезда – Борян, Гобелич, Милунович, Дегенек, Жандер, Йованчич (Вулич, 62), Каньяс, Гарсия (Вуканович, 83), Марин, ван Ла Парра, Павков (Боачи, 70).
Огоҳлантиришлар: Дегенек (51), Вулич (90).