«Манчестер Юнайтед» ижрочи директори Эд Вудворднинг сўзларга қараганда, клуб раҳбарияти вазиятни ўнглаш учун бош мураббий Уле-Гуннар Сульшерга вақт ва имконият беради. Вудворднинг айтишича, у ёмон стартдан сўнг норвегиялик мутахассисни бўшатиш ниятида эмас.
"Раҳбарият ва мухлислар доим муваффақиятни талаб қилади. Муваффақият эса совринлар ютиш демакдир. Бу бизнинг мақсадимиз. "Манчестер Юнайтед"нинг стандартлари ҳеч қачон ўзгармайди. Академия, скаутлар, машғулотлар инфратузилмасига инвестиция киритишда катта ютуқларга эришдик. Булар ички ошхона каби ташқаридан кўринмайди, аммо ниҳоятда муҳим жиҳатлар ҳисобланади.
Ушбу инвестициялар Сульшер ва унинг мураббийлар штабига бўлган ишончимиз билан биргаликда муваффақиятлар учун асос бўлади. Ушбу саъй-ҳаракатлар ўз самарасини беришига ишонамиз. Шу билан бирга Уленинг жамоани қайта шакллантиришида сабр-тоқатли бўлиш ниҳоятда муҳимдир. Биз қисқа муддатли нарсалардан таъсирланмасдан узоқ муддати стратегияга эътибор қаратишда давом этадмиз", - Вудворднинг сўзларидан иқтибос келтиради Manchester Evening News.
