"Пари Сен-Жермен" клубининг 5та ўйиндан иборат ғалабалар серияси узилиб қолди. Парижликлар Франция чемпионатининг 7-тури доирасида ўз уйида "Реймс"ни қабул қилиб, имкониятни бой беришди.

Мезбонлар ўйин бошида 2та хавфли ҳужум ташкил қилишди, аммо вазиятлардан фойдалана олишмади. Меҳмонлар эса 29-дақиқада Камара томонидан урилган гол эвазига ҳисобни очишди. Тухель шогирдлари ўйин давомида ташаббусни ўз қўлларида ушлаб турган бўлсалар-да, иккинчи бўлимда энг хавфли вазиятни "Реймс" футболчилари юзага келтиришди. Уден томонидан йўлланган зарба натижасида тўп устунга тегиб қайтди.

Қўшиб берилган дақиқаларда эса Боулайе Диа "ПСЖ" дарвозасига иккинчи тўпни жойлаб, ўйин тақдирини ҳал қилди.

"ПСЖ"нинг қоқилишидан фойдаланган "Анже" ушбу турда ғалаба қозониб, ўз очколарини 15тага етказиб, парижликлар билан бирга қўшпешқадамга айланди.

Франция чемпионати, 7-тур
ПСЖ – Реймс 0:2 (0:1, 0:1)
Голлар: 0:1 – 29 Камара, 0:2 – 90 Диа.
ПСЖ – Навас, Мбе Со (Менье, 59), Диалло, Кимпембе, Курзава (Маркиньос, 66), Эррера, Паредес, Бернат, Сарабия, Шупо-Мотинг (Ди Мария, 42), Неймар.
Реймс – Райкович, Фоке, Дисаси, Абдельхамид, Конан, Кафаро, Шавалерен, Мунеци, Камара (Думбия, 85), Мбуку (Диа, 61), Донис (Уден, 69).
Огоҳлантиришлар: Донис (40), Бернат (45), Райкович (83).