"Барселона" сардори Лионель Месси янги жароҳат туфайли бир ой мобайнида майдон ташқарисида қолиши мумкин. Бу ҳақда El Chiringuito хабар тарқатди.
Аргентиналик футболчи "Вильярреал"га қарши ўйинда чап оёғининг сон қисмидаги мушагидан жароҳат олган эди. Манбага кўра, ушбу жароҳатни даволаш учун Мессига тахминан 1 ой керак бўлади.
Шу тариқа, Лионель Ла лига доирасида "Хетафе", "Севилья" ва "Эйбар", шунингдек, ЕЧЛ доирасида "Интер" ва "Славия"га қарши ўйинларни ўтказиб юборади.
Эслатиб ўтамиз, 32 ёшли Месси янги мавсум аввал жароҳат олиб, бир ой муддатда сафга қайтган эди. У "Вильярреал"га қарши ўйинда илк марта асосий таркибда майдонга тушган эди.