Исроил Мадримовнинг жанги Sport телеканали орқали жонли эфирда намойиш этилади.
Профессионал бокснинг супер ярим ўрта (-69,85 кг) вазн тоифасида рингга чиқаётган Исроил Мадримов (3-0- 3 КО) 5 октябрь куни афсонавий «Мэдисон Сквер Гарден» спорт аренасида рингга кўтарилади. У кечанинг асосий икки жангидан бирида мексикалик Алехандро Баррерага (29-5, 18 КО) қарши рингга кўтарилади.
Маълум бўлишича, мазкур жанг Sport телеканали орқали ўзбекистонлик мухлислар эътиборига ҳавола этилади. Жанг Тошкент вақти билан 6 октябрь тонгида, тахминан соат 07:00дан сўнг бошланади.













