"Севилья" ҳужумчиси Люк де Йонг Ла Лигада "Барселона" билан ўйин олдидан ўз фикрлари билан ўртоқлашди.
"Камп Ноу"даги охирги ғалабадан бери анча вақт ўтди, аммо менимча, футболда ҳамма нарса бўлиши мумкин. Тўғри ишонч ва яхши ўйин билан биз кўплаб жамоаларни, хатто "Барселона"ни ҳам мағлуб эта оламиз деб ўйлайман.
"Барселона" ҳар доим ажойиб футбол намойиш этади. Мен ўтган мавсумда Чемпионлар Лигасида "Камп Ноу"да ўйнаганман (ПСВ таркибида). Менинг жамоам яхши ўйнаган эди, лекин "Барcелона"да жуда кучли ижрочилар бор, улар ҳар доим хавфли.
Биз бу ўйинга тўлиқ тайёр бўлишимиз, диққатли бўлишимиз ва ишонч билан ўйнашимиз керак », - деди де Йонг.
