Германия терма жамоаси собиқ ярим ҳимоячиси Бастиан Швайнштайгер фаолиятини якунлашга қарор қилди.

«Мавсум охирида футболчилик фаолиятимни якунлайман. Ҳаммага ва мен ўйнаган барча жамоаларга раҳмат айтмоқчиман: "Бавария", "Манчестер Юнайтед", Чикаго ва Германия терма жамоаси», - деб ёзди Швайнштайгер Инстаграмдаги саҳифасида.

Маълумот учун, "Бавария" таркибида Швайнштайгер саккиз карра Германия чемпиони бўлди ва 2013 йилда Чемпионлар Лигасини қўлга киритди.

Терма жамоа таркибида у 121 та ўйин ўтказиб, 24 та гол урди, Жаҳон чемпионатида олтин (2014 й) ва бронза (2006, 2010 й), 2008 йилдаги Европа чемпионатида кумуш медалларига сазовор бўлди.