14-октабр, душанба куни Украина миллий терма жамоаси Киевда Португалияга қарши Евро-2020 саралаш учрашувини ўтказади.
Эслатиб ўтамиз, 11-октабр куни Украина В гуруҳида Литва терма жамоасига қарши еттинчи тур учрашувини ўтказди. Учрашув украиналикларнинг ғалабаси билан якунланди - 2:0.
Андрей Шевченко Украина терма жамоаси Португалияга қарши ўз услубида ўйнаши муҳимлигини таъкидлади.
"Биз эртага Европа чемпиони ва Миллатлар Лигаси ғолиби билан тўқнаш келамиз, бу ажойиб жамоа, яхши тайёрланган, таркибида тарихдаги энг яхши футболчилардан бири тўп суради. Биз учун ўз услубимизда ўйнашимиз жуда муҳим, эртанги учрашувда аншлаг бўлади деб умид қиламиз. Агар чипта олишга вақтингиз бўлмаган бўлса, сизни чипталарни сотиб олишга таклиф қиламан" - деди Шевченко.
