"ENTER Engineering" компанияси 2020 йил охирига қадар "Насаф" футбол кулби билан умумий қиймати 10 млрд. сўм бўлган ҳомийлик шартномасини имзолади.
Ушбу маблағлар "Насаф" футбол клубининг моддий-техник ва илмий-методик базасини мустаҳкамлаш ва ривожлантириш, ўқув-машғулот жараёнининг юқори сифатини таъминлаш, шунингдек, аҳолининг кенг қатламлари ўртасида футболни фаол тарғиб қилиш ва оммалаштиришга йўналтирилади.
"Насаф" футбол клуби раҳбарияти ўз футбол мактаби негизида ёш футболчиларни тарбиялаш учун хорижий легионерларни жалб қилишдан воз кечишга қарор қилди.
Эслатиб ўтамиз, "ENTER Engineering" Россиянинг "Газпромбанк" компаниясига тегишли корхона бўлиб, улар "Шўртан" газ-кимё комплексини модернизация қилиш, лойиҳа қиймати 175 млн евро бўлган «Humo Arena» муз саройини қуришда бош-қош бўлган компания саналади.
