Каталониянинг “Барселона” клуби ҳужумчиси Лео Месси Европанинг 2018/2019 йилги мавсумининг энг яхши тўпурар футболчиси деб топилди ва навбатдаги “Олтин бутса”ни қўлга киритди.
Аргентиналик футболчи ушбу совринни олтинчи маротаба қўлга киритди ва яққол пешқадам бўлиб олди.
Аввал бу совринларни 2009/2010, 2011/2012, 2012/2013, 2016/2017 ва 2017/2018 йилги мавсумларда қўлга киритган эди.
32 ёшли Месси ўтган мавсумда 36 та гол киритди ва ПСЖ ҳужумчиси Мбаппе (33 гол) ва “Сампдория” клуби ҳужумчиси Фабио Квальяреллу (26)ларни ортда қолдирди.