Мюнхеннинг “Бавария” клуби ва Германия терма жамоаси футболчиси Лотар Маттеус нима учун “Тоттенхэм” ярим ҳимоячиси Кристиан Эриксен билан шартнома имзоламаслик кераклиги ҳақида сўзлаб ўтди.
— Мен бу футболчини узоқ муддатдан бери кузатиб келаман. Бироқ, у 2019 йили худди орқага қараб кетгандек туюлди. Унинг «Бавария» клубига ўтишидан наф йўқ. Бундай футболчи “Бавария”га ёрдам бера олади, деб ўйламайман. Агар у “Тоттенхэм” учун етарли даражада яхши бўла олмаса, у ҳолда “Бавария” учун умуман тўғри келмайди. Ули Хенесс “Бавария” клуби заҳира футболчиларига муҳтож эмас деб тўғри гапирган.
— Тўғри, Эриксен техник жиҳатдан кучлидир, лекин тезлик тарафдан кучсиз. Нико Ковачга эса тезкор футболчилар керак, — деди Маттеус.
Аввалроқ ОАВ орқали 27 ёшли ярим ҳимоячи Кристиан Эриксен «Тоттенхэм»дан «Бавария»га кўчиб ўтиши ҳақида хабарлар тарқатганди.Шунингдек, унинг хизматларига «Реал» ва «Манчестер Юнайтед» клублари ҳам қизиқиш билдиришмоқда.