Москванинг «Спартак» клуби янги бош мураббийи Доменико Тедеско Россия терма жамоаси бош мураббийи Станислав Черчесовнинг олиб бораётган ишидан ҳайратга тушаётганини яширмади.

— Россиянинг жуда кўплаб футболчилари Германияда тўп сурган. Уларнинг қайси бирини эслай оласиз?

— Павел Погребнякни. У «Штутгарт» клубида ўйнаган, мен бўлса у ерда яшаганман. Павелнинг жамоа таркибига қўшилганини ва “Штутгарт” сафидаги ўйинларини жуда яхши эслайман. Шунингдек, Дортмундда ўйнаган Владимир Бутни эслайман. «Шальке»даги фаолиятим мобайнида Александр Бородюк ҳақида маълумотга эга бўлдим. Ва албатта, Дрезденснинг «Динамо» жамоаси сафида ўйнаган Станислав Черчесовни биламан. У афсона!

— Унинг Россия терма жамоасида олиб бораётган ишига қандай баҳо берасиз?

— Ажойиб! Жуда зўр натижа кўрсатмоқда. Макс — бизнинг дарвозабонларимиз мураббийи, Черчесовни яхши билади. У менга Черчесов ҳақида қисқача гапириб берди. У ажойиб. Айнан нега? Ҳайратланарли жойи йўқ: инсонлар билан очиқ ва самимий гаплашади, қолаверса, немис тилида яхши суҳбатдош. Ўйлайманки, Черчесов — ажойиб эркак.

— Черчесов Евро-2020дан кейин “Спартак”да иш бошлайди деган миш-мишлар пайдо бўлди.

— Ростдан? Мен бу ҳақда эшитганим йўқ.