Лондоннинг «Тоттенхэм» клуби бош мураббийи Маурисио Почеттино қишки трансфер бозорида кимнидир сотиб олади деб ўйламаяпти.
«Тўғрисини айтсам, январда кимнидир сотамиз ёки сотиб оламиз деб ўйламайман. Мен ҳозир таркибда ўйнаётган йигитларга ишонаман.
Турли хил фикрларни ҳурмат қиламан. Биламан, бизга қандайдир ўзгариш керак дейдиган одамлар ҳам бор. Агар қарор менга таалууқли бўладиган бўлса, у ҳолда жорий футболчилар билан қоламан.
Ўз шогирдларимга 200 фоиз ишонаман. Ишонаман, уларда ғолиблик руҳи юқори, қийин вазиятдан чиқиб кетишимизга кучимиз етади.
Ҳозир биз учун энг асосийси — барчамиз бирга бўлишимиз ва муаммоларни тезроқ ҳал қилишимиз керак. Биз шулар ҳақида гапиришимиз мумкин», — Почеттинони сўзларидан иқтибос келтирмоқда Sky Sports.