Англиянинг «Манчестер Юнайтед» клуби собиқ футболчиси Пол Инс «қизил иблислар»нинг жорий мавусмда кўрсатаётган ўйинини жиддий танқид остига олди.

«Уле-Гуннар Сульшер жамоага керакли натижани бермагунича уни танқид қилишда давом этаман. Қолаверса, жамоанинг аҳволи яхшиланаётганидан дарак йўқ.

Албатта, ёш футболчилар билан ишлаш учун кўпроқ вақт керак, бироқ, «Челси» ҳам ҳозир асосан ёшлар билан ишламоқда, лекин уларда ҳаммаси жойида. «Ливерпуль» таркибида иккита ёш ҳимоячи ўйнамоқда, уларда ҳам ҳаммаси жойида.

«Юнайтед» чемпионатни турнир жадвалининг қуйи қисмида якунлаши мумкин. Сульшер жамоа қаттиқ меҳнат қилаётганини гапирмоқда. Улар нима устида ишлаётганини кўрмоқчиман. Уларнинг кўрсатаётган ўйинига қараб, улар қандай меҳнат қилаётганини тушунмаяпман.

«Юнайтед»да ўйин жозибаси йўқ. Улар вазият содир этишмаяпти, гоҳида дарвозага аниқ зарба ҳам йўллай олишмаяпти. Тушунмайман, улар нима қилишаётганини», —Инснинг сўзларидан иқтибос келтирмоқда talkSPORT.