Каталониянинг “Барселона” клуби бош мураббийи Эрнесто Вальверде “Эл Классико”ни бошқа муддатга қолдирилиши мумкинлиги ҳақидаги хабарларга фикр билдирди.
«Учрашув 26 октябрга белгиланган ва рақиб, меҳмонлар ҳамда бошқалар ҳурмат қилинган ҳолда муаммосиз ўтишига шубҳа билдирмайман. Ҳозирча Испания Футбол Федерацияси қандай қарор қабул қилишини билмайман. Улар қандай қарор қабул қилса, бу ўша қарорни бажарамиз.
Учрашувга атиги 10 кун қолди. Бўлажак учрашув ҳақида жуда кўп гапиришмоқда. 2017 йилнинг 1 октябрида ҳам худди шундай воқеа бўлганди. Бир ҳафтадан сўнг «Ванда Метрополитано» стадионида ўйнагандик. Ҳамма қанақадир драма бўлишини кутганди, бироқ якунда ҳаммаси ажойиб бўлганди.
Айёрлик қилиш учун вақт бор. Агар учрашув эртага белгиланганда эди, у ҳолда учрашув эртага ўтказилмаслиги аниқ эди. Олдинда ҳали тўққиз кун бор», — Вальверденинг сўзларидан иқтибос келтирмоқда Marca.
