"Наполи" бош мураббийи Карло Анчелотти ушбу мавсумда А серияда қандай мақсадга эришмоқчи экани ҳақида ўз фикрини билдириб ўштди.
"Ҳозир биз барчасини тўғри бажаряпмиз. Чемпионлар лигасида энг яхши жамоани мағлуб этдик. А серияда эса "Ювентус"га қарши ўйинни инобатга олмаганда, барча учрашувларда жуда яхши ўйнаяпмиз. ЕЧЛда гуруҳ пешқадами бўлиб турибмиз, барча аъло даражада. Италия чемпионатида ғолиблик учун охиригача курашамиз", - деди Анчелотти.
Эслатиб ўтамиз, Италия чемпионатининг дастлабки 7та туридан кейин 2Наполи" 13 очко билан 4-ўринни эгаллаб турибди. Неаполликлар "Ювентус"дан 6 очко ортда қолишмоқда.