Чемпионлар Лигасининг 3-туридан ўрин олган «Галатасарой»га қарши баҳс бош мураббий Зинедин Зидан учун «Реал» бошқарувидаги сўнгги ўйин бўлиши мумкин, деб ёзади El Mundo.
Манбанинг хабарига кўра, клуб раҳбарияти «қаймоқранглилар»нинг ушбу мавсумдаги ўйинларидан хавотирда. Агар жамоа 22 октябрь куни «Турк Телеком –Али Сами Йен» стадионида «Галатасарой»га мағлуб бўлса, француз мутахассиси ишдан олиниши мумкин. «Қироллик клуби» раҳбарияти Зиданни Жозе Моуриньо ёки Массимилиано Аллегрига алмаштириш вариантини кўриб чиқмоқда.
Зидан шогирдлари Чемпионлар Лигасининг 2-туридан сўнг атиги 1 очко тўплашган, Испания Ла Лигасида эса «Барселона»дан 1 очко ортда қолган ҳолда 2-ўринни эгаллаб туришибди.