Бельгиянинг "Брюгге" клуби бош мураббийи Филипп Клеман "ПСЖ" (0:5) клубига қарши ўтказилган учрашувдан кейинги матбуот анжуманида иштирок этди.
"Биз 60-дақиқага кўрсатган ўйинимиз учун рақиб бугун мени табриклади. Францияда уларга қарши бундай ўйинни кам намойиш этишади. Аммо бу “ПСЖ”га қарши ўйинда бирор нарсага эришишга ҳаракат қилишнинг ягона имконияти.
Бироқ, сўнгги 30 дақиқада барчаси барбод бўлди. Жамоага ўтказиб юборилган голдан сўнг руҳий тушкунликка тушиб қолмасликни, ўйинда давом этиш кераклигини ўргатишимиз керак. Агар бир фоиз кам миқдорда ўз ўйнингни кўрсатадиган бўлсанг "ПСЖ"дек клубларни сени албатта жазолайди. Шунинг учун улар Европанинг кучли клубларида қаторида юрибди", - бош мураббийнинг сўзларидан иқтибос келтирмоқда УЕФА.













