Римнинг «Рома» клуби матбуот хизмати Европа Лигаси гуруҳ босқичлари доирасида Менхенгладбахнинг «Боруссия» (1:1) клубига қарши ўтказилган учрашувдан кейин расмий хабар билан мурожаат қилди.
“Боруссия М” клуби учрашувнинг сўнгги дақиқаларида белгиланган пенальтини аниқ амалга ошириб, ҳисобни тенглаштирди.
— «Рома» раҳбарияти учрашувнинг расмий шахслари билан суҳбатлашди, расмийлар пенальти белгилашда хатога йўл қўйилганини тан олишди.Хатони тан олишганини ҳурмат қиламиз ва шаффофликни қадрлаймиз. Ҳозир биз кейинги учрашувга жиддий тайёргарликни бошладик, —деб ёзилди Twitter расмий саҳифасида.
