Голландиянинг “Фейенорд” клуби мухлислари “Аякс” (0:4) клубига учралган мағлубиятдан сўнг, клуб автобусига ҳужум қилишди.

“Фейенорд”жорий мавсумни омадсиз бошлади, жамоа ҳозирги кунда 11 учрашув ўтказиб, 14 очко жамғарди.

Кеча роттердамликлар сафарда “Аякс” клубига 0:4 ҳисобида мағлуб бўлди. Қизиқарлиси, учрашувдаги голларнинг барчаси биринчи бўлимда киритилди.

Шундан сўнг, мухлислар "1908" машғулот майдони ёнида клуб автобусига турли хил буюмлар улоқтиришиб, Яп Стамнинг истеъфосини шу тарзда талаб қилишди.

Бир қатор футболчилар норозилик уюштираётган мухлислар билан музокара олиб бориш автобусдан чиқишди. Лерой Фер деди: "Биз ҳам мағлубият учун Сизлардек ғазабдамиз". Стамнинг ўзи мухлислар билан суҳбатлашишни истамади.

“Фейенорд”клуби кейинги учрашувни “Венло” клубига қарши сафарда 3 ноябрь куни ўтказади.