Мюнхеннинг "Бавария" клуби бош мураббийи Нико Ковач Германия Кубоги доирасида "Бохум" клубига қарши бўлиб ўтадиган учрашув ҳақида фикр билдирди.
"Кубок баҳсларида доим хавфли ўйинлар бўлади. Барчаси ўз қўлимизда. Агар биз ўз ўйинимизни намойиш этадиган бўлсак, у ҳолда рақибга қийин бўлади. Шу боис, қуйи лига вакилига қарши тезкор ўйин намойиш этишимиз керак. Бошқа ҳар қандай Кубок ўйинлари сингари огоҳлантираман: хотиржамликка берилмаслигимиз керак. Кейинги босқичга чиқиш учун кучли ўйин кўрасатамиз", - Ковачнинг сўзларидан иқтибос келтирмоқда "Бавария" расмий сайти.