Каталониянинг «Барселона» клуби бош мураббийи Эрнесто Вальверде Ла Лиганинг 11-тур доирасида «Вальядолид» (5:1) устидан қозонилган ғалабадан кейин жамоа сардори Месси ҳақида гапириб ўтди.

«Месси ажойиб иқтидор эгаси.У исталган рақибдан ўтиб кетиши мумкин. Машғулот пайтида шундай вазиятлар бўладики, у ўнг ёки чап тарафга пас беради деб турган бир пайтда, тўпни умуман бошқа тарафга ошириб юборади. Бундай вазиятни фақатгина у ошира олиши мумкин. Кундан кунга у ўзини ажойиб ҳис қилиб бормоқда. Ўз формасига тушиб бормоқда. Месси кўрсатаётган ўйинидан барчамиз хурсандмиз», — Вальверденинг сўзларидан иқтибос келтирмоқда Goal.

Ушбу ғалабадан кейин «Барселона» очколар сонини 22 тага етказиб олди ва турнир жадвалида пешқадамга айланди.