Мадриднинг «Реал» клуби бош мураббийи Зидан ЕЧЛ доирасида «Галатасарай» (6:0) жамоаси устидан қозонилган ғалабадан хурсанд эканлигини яширмади.
— Учрашув натижасидан қониқдим. Рақиб дарвозасига олтига гол уриб, ўз дарвозамиз дахлсизлигини сақлаб қола олдик. Кейинги учрашувда бошқа футболчилар майдонга тушади, — деди Зидан.
Франциялик мутахассис «Реал» ҳужумчиси Карим Бенземнинг ўйинлари ҳақида ҳам гапириб ўтди.
— Ҳозир у «Реал» тарихини ёзмоқда. Унинг статистикаси у ҳақида гапирмоқда. У Ди Стефано билан бир хил натижа қайд этди. Энди унинг олдида Рауль ва ундан кейин Криштиану Роналду турибди” деди Зидан.
