Мадриднинг «Атлетико» клуби бош мураббийи Диего Симеоне «Байер» (1:2) клубига бой берилган имконият учун тўлиқ жавобгарликни ўз бўйнига олди.

— Жамоанинг биринчи бўлимда ёмон ўйин намойиш этгани учун жавобгарликни ўз бўйнимга оламан. Чунки, футболчиларга қўшимча куч топиб бера олмадим. Иккинчи бўлимда эса ўйинимизда ўзгариш бўлди, — деди Симеоне.

— Энди ўз устимизда ишлашда давом этишимиз керак. Агар нимадир биз айтгандек кетмаётган бўлса, икки ҳисса кўпроқ куч сарф қилиб тўғри йўлга тушиб олишимиз керак. Шундай суҳбатлар бўладики, уни фақат кийиниш хонасида гапириш керак” деди Симеоне.