Лондоннинг "Тоттенхэм" клуби бош мураббийи Маурисио Почеттино "Црвена Звезда" (4:0) клуби устидан қозонилган ғалаба ҳақидаги фикрлари билан ўртоқлашди.
"Натижадан қониқдим. Яхши ўйин намойиш этдик ва муҳим бўлган уч очкони қўлга киритдик. Сон Хын Мин иродали бола эканлигини исботлади. Сон билан фахрланаман.
Ло Чельсо терма жамоа таркибида жароҳат олганди, бироқ у тезда тикланди ва ўзини кўрсата олди. У учун хурсандман, чунки Чельсо кучли характерга эга футболчи.
Бундай учрашувлар жамоани янада бирлаштиради. Биз олдимиздаги вазифа сари бормоқдамиз ва уч очко жамғарсак кейинги босқичга йўл оламиз. "Тоттенхэм" ҳозир ўз ўйинини топиб олди ва сустлашмаслигимиз шарт", - деди мураббий УЕФА сайтига.













