Кеча Туркиянинг “Галатасарай” клуби ЕЧЛ доирасида Мадрид шаҳрига сафар уюштирди ва “Реал” клубига қарши баҳс олиб борди. Учрашув 0:6 ҳисобида “Реал” фойдасига якунланди.
«Галатасарай» клуби тарихига назар ташлайдиган бўлсак, 6 ноябрьда улар 0:6 ҳисобида мағлуб бўлиш янгилик эмас.
2002 йилнинг 6 ноябрь куни “Галатасарай” “Фенербахче” клуби билан баҳс олиб боради ва якунда 6:0 ҳисобида мағлубиятга учрайди.
Эслатиб ўтамиз, кеча «Сантьяго Бернабеу» стадионидаги мағлубиятдан сўнг, «Галатасарай» А гуруҳида бир очко билан тўртинчи ўринни эгаллаб турибди. Турклар кейинги босқичга чиқиш учун барча имкониятларни йўққа чиқарди. Бироқ, «Брюгге» клуби билан Европа Лигасига йўлланма олиш учун кураш олиб бориш имкониятини сақлаб турибди.