Эртага бизни Италия «А серия»си доирасидаги «Ювентус» ва «Милан» жамоалари тўқнашуви кутиб турибди. Бугун ушбу ўйин олдидан футболчи ва мураббийлар томонидан билдирилган фикрларни эътиборингизга ҳавола этамиз.
Жампаоло
Барча нарсага реал кўз билан қараш лозим. Биз ҳозирда аввалги даражамизга кўтарила оладиган ҳолатда эмасмиз. Шундай бўлсада, эртанги учрашувда турнир жадвалидаги ўрнимизни яхшилаб олиш учун имконият мавжуд. Эртабги ўйинда «Лацио»га қарши кўрсатган ўйинимиздан кучлироқ ўйин намойиш қилишга ҳаракат қиламиз. Тўғри, «Ювентус» исталган рақибга қарши тенгма-тенг кураш олиб боришга қодир клуб. Уларда жисмонан етук футболчилардан ташкил топган кучли таркиб мавжуд. Айнан шундай рақибга қарши ўйинлардаги ғалаба ўз кучимизга бўлган ишончни ортга қайтаришга кўмак беради.
Ҳакан Чалҳаноглу
«Ювентус» бу – «Ювентус»! Шундай бўлсада, биз ҳам «Милан» эканлигимизни унутмаслик лозим. Улар сўнгги дақиқаларда гол киритиб ўйин тақдирини ўзгартиб юборишмоқда. Бундан кўриниб турибдики, уларни мағлуб этишнинг чораси мавжуд. Мен доиммо ўз устимда ишлашга ҳаракат қиляпман. Агарда жамоа менинг ҳизматларимга эҳтиёж сезса, майдонда уларни уялтириб қўймаслигим аниқ. Мусобақа жадвалдаги аҳволимиз ачинарли, бироқ «Ювентус»га қарши ўйинда сўнгги сонияга қадар кураш олиб боришга тайёрмиз. Ушбу учрашувда куч тежаш ҳақида ўйлаётганимиз йўқ ва биз учун бу ғалаба шунчаки 3 очкодан анча қийматлироқ.
Сарри
Мавсумнинг қайси палласи бўлишидан қатъий назар бу тарихий тўқнашув. Ўйлашимча биз жанговар «Милан» билан тўқнаш келамиз. Улар мусобақанинг юқори қисмидан ўрин олишга ҳақли клуб ва улар буни эртага исботлашга уруниб кўришади. Бундай учрашувларда тўпни ўзимизда ушлаб туриш жуда муҳим. Энг муҳими эса, эртанги баҳснинг тўлиқ бизнинг режамиз асосида ўтишини таъминлашимиз лозим. Ҳозир ҳар бир ғалаба биз учун муҳим. Шу йўсинда руҳий чарчоқни енгиб ўтишни режа қилганмиз.
Бернардески
Эртага бизни кўзлари «қонга тўлган» жамоага қарши учрашув кутиб турибди. Бу жуда қийин синов бўлишига Шубҳам йўқ. Биз учун осон бўлмасада, мухлисларимиз учун эртага ғалабани ҳадя қилишни режалаштиряпмиз.
Мен янада кучлироқ бўлишим кераклигини биламан ва ҳар куни шу мақсад йўлида одимлаяпман. У нега мени ҳар сафар танқид қилишини англаб етдим. Сарри шу йўсинда мени янада кучлироқ бўлишга ундамоқда. Агарда сенинг рақобатчининг Роналду даражасидаги футболчи бўлса, олдингда иккита йўл мавжуд. Улардан бири унинг сояциа қолиб кетиш бўлса, иккинчиси ушбу сояни ёриб ўтишдир. У билан алоқаларимиз дўстона бўлсада, мен иккинчи йўлни танладим. Мен ортиқча гап-сўзларсиз унинг барча ҳаракатларини ёдлаб олишга ҳаракат қиляпман.
