Лондоннинг "Арсенал" клуби бош мураббийи Унаи Эмери "Лестер" (0:2) жамоасига қарши ўйиндан кейин ўз фикрлари билан ўртоқлашди.
"Натижа ёмон. Биринчи голгача яхши ўйин намойиш этдик, рақибга босим уюштирдик, бироқ рақиб юзага келган имкониятлардан фойдаланиб қолди ва ғалаба қозонди. Ушбу учрашувга ҳар бир футболчи яхши тайёргарлик олиб борганди. Энди ФИФА кунлари муносабати билан дам олиш вақти келди. Ушбу юзага келган танаффусдан кейин жамоанинг ўйини ўсишига ишонаман", - деди Эмери ВВСга.