Англиянинг «Манчестер Сити» ярим ҳимоячиси Рияд Махрез 2016 йили «Арсенал» клубига ўтиши мумкинлигини айтиб берди.
- Агар «Лестер»нинг чемпион бўлган йилидан кейин топ-клубларга ўтганимда ҳаммаси бошқача бўларди. “Лестер” сабаб икки йил юқори савиямни йўқотдим. Шу ўринда, «Манчестер Сити»га 27 ёшда эмас, 24-25 ёшимда пайдо бўлишим мумкин эди. Лекин «Лестер» трансферимни ёпиб қўйган эди. Улар менга: «Сен кетмайсан!” дейишди.Мени ҳақиқатдан ҳам ўз сафида кўришни истаган Венгер билан менинг агентим гаплашиб қўйган эди. Менинг «Арсенал» клубига ўтишим 2016 йилнинг ёзида деярли ҳал бўлиб улгурган эди. Ўшанда жуда жаҳлим чиққан эди, — Махрезнинг сўзларидан иқтибос келтирмоқда France Football.