Италия терма жамоаси бош мураббийи Роберто Манчинининг ҳисоблашича Златан Ибрагимович А Серияда қайта ўйнашга қодир.
— Златан дунёнинг буюк ҳужумчиларидан бири саналади. У жуда кўплаб голлар киритган. У жисмонан қобилиятли ўйинчи. Унинг ёшига қарамасдан, у бемалол А Серияда ўйнаб кета олади. А Серия темпи сўнгги 50 йилда ўзгарди деб ўйламайман. Бизнинг чемпионат ҳеч қачон АПЛ сингари бўлмайди, чунки, у ерда тезлик юқори ва ҳакамларнинг ҳуштак чалиши кам, - Манчинининг сўзларидан иқтибос келтирмоқда Rai Sport.