Эксперт ва Англиянинг «Ливерпуль» клуби собиқ ҳимоячиси Жейми Каррагер Жозе Моуриньо «Тоттенхэм» учун мураббийлик услубини ўзгартирмаслигини айтиб ўтди.
Аввалроқ «Тоттенхэм» клуби бош мураббийи этиб Моуриньо тайинланганди, бу эса бошқа клублар фанатларининг норозолигига сабаб бўлганди. Ўз вақтида Португалиялик мутахассис ҳимоявий тактика қўллаш ва футболчилар билан низо чиқариш бўйича ҳам анча танилган.
— «Тоттенхэм» ўзининг ўйин услубига эга жамоа ҳисобланади, — деди Каррагер. — Бу ҳақда «Манчестер Юнайтед» мухлислари ҳам айтган эди Жозе энди келган пайтларда. Унинг учун режа бундай вазиятда муаммо келтириб чиқариши мумкин. Лекин, Жозе ҳамма нарсани ўзининг йўлида қилади. У «Тоттенхэм» учун ўзгармайди. Улар Моуриньони совринларни қўлга кирита олишини ҳис қилишгани учун ва барча нарсани ўзи билганича қилишни яхши кўргани учун таклиф қилишди” —дея қўшимча қилди Каррагер.
