Дарҳақиқат, Роналду даврида Портгалия терма жамоаси ажойиб натижалар қайд этди. Ўз тарихида илк бор қитъа чемпионлигини қўлга киритибгина қолмай, дунёнинг энг кучли терма жамоалари сафига қайтди. Қаҳрамонимизнинг ўзи эса, терма жамоа сафида ўзининг 99-голини киритди ва Али Дайига яқинлашиб олди. Унинг Португалия терма жамоасидаги қандай рекордлар қайд этганини биласизми? Бугун Криш томонидан ўрнатилган энг машхур рекордлар билан танишиб ўтамиз.
Энг кўп ўйин ўтказган футболчи
Роналду терма жамоада энг кўп ўйин ўтказган футболчи саналади. 164 та ўйинда иштирок этган ҳужумчи, ўзининг энг яқин таъқибчиси саналмушб Луиш Фигудан анча илгарилаб кетди. Фигу узоқ вақт терма жамоада тўп сурган бўлсада, 124 та ўйинда иштирок этган холос. Роналдунинг ҳозир яхши формада эканлигини инобатга олсак, унинг бу борадаги кўрсатгичлари янада яхшиланиши аниқ.
Европадаги энг кўп гол киритган футболчи
Криш бутун бошли Европада терма жамоаси учун энг кўп гол киритган футболчи саналади. Қаҳрамонимиз Россияда бўлиб ўтган мундиалда Марокаш дарвозасини ишғол қилиб шу кунга қадар Венгрия терма жамоаси аъзоси Ференс Пушкашга тегишли бўлган (84 та гол) рекордни йўққа чиқаришга муваффақ бўлибгина қолмай, унинг рекордини янада яхшилашни уддалади. Шунингдек, унинг ҳисобида 14 та дубл, 7 та хет-трик ва 2 та покер мавжуд.
Турли рақиблар дарвозасини ишғол қилган
Криш Португалия сафида 41 та терма жамоа дарвозасини ишғол қилишга муваффақ бўлган. Бу нафақат Португалия футболида, балки 21-асрдаги энг яхши натижа ҳисобланади.
«Евро»лар борасида яққол етакчи
Криш сўнгги қитъа чемпионатида иштирок этмай туриб ҳам, ушбу мусобақада энг кўп ўйин ўтказган футболчи саналади. Унинг ҳисобида 21 та ўйин мавжуд ва тез орада бу кўрсатгич янада яхшиланиши кутилмоқда. Кришнинг энг яқин таъқибчиси Бастиан Швайнштайгер бўлиб унинг ҳисобида 18 та ўйин мавжуд. Швайни терма жамоадаги фалиятини якунлаганини инобатга олсак, бу борада Криш яққол етакчи. Шунингдек, у қитъа биричилигида гол киритиш бўйича ҳам етакчи ҳисобланади. Ҳозирда унинг ҳисобида 9 та гол бор ва катта эҳтимол билан ушбу натижа янда яхшиланади.
ЖЧ саралашидаги тўпурар
Португалия терама жамоасининг ЖЧ учун саралаш ўйинларида энг кўп гол киритган Роналду бу борада дунё рекордини янгилашга муваффақ бўлди. Ўтмишнинг афсонавий ҳужумчиларини анча ортда қолдирган футболчининг ҳисобида 30 та гол мавжуд. Бу кўҳна қитъа учун энг яхши натижа ҳисоблнади. Ўз-ўзидан маълумки, Криш Европа биринчилигига йўлланма берувчи сарлаш ўйинларида энг кўп гол киритган футболчи саналади. Робби Кин қанчалар илтимос қилмасин, қаҳрамонимиз унинг рекордини чиппага чиқаришга муваффақ бўлди. Кин ўзининг 23 та голи билан иккинчи поғонага тушиб қолган бўлса, Роналдунинг ҳисобида ҳозирча 31 та гол мавжуд ва бу кўрсагич яна яхшиланиши аниқ.
