«Реал» бош мураббийи Зайниддин Зидан Ла Лиганинг 14-турида бўлиб ўтган «Сосьедад»га қарши ўйин (3:1)да ишқибозларнинг Гарет Бэйлга нисбатан қилган ҳуштакбозликлари юзасидан фикр билдирди.
«Умид қиламан, бу ҳуштакбозлик тўхтайди. Мухлислар бошидан охиригача бўлишини истаймиз. Ишқибозлар ўзлари истагандек иш тутишга ҳақли, аммо мен улардан барча ўйинчиларни олқишларини сўрайман. Мен ўйиндан ва ғалабадан қониқиш ҳосил қилдим.
Бэйлга нисбатан қилинган ҳуштакбозлик адолатданми ёки йўқми, буни айта олмайман. Ҳар ким истаган нарсасини ўйлаши мумкин. Бизга мухлисларнинг қўллаб-қувватлаши керак. Энг яхши ўйинчиларга нисбатан ҳуштакбозлик қилишади, Бэйл эса ўйинга яхши қўшилди ва ишлашда давом этиши керак.
Унинг атрофида гап-сўзлар ҳаддан ташқари кўп. У биз билан бўлишни ва яхши ўйнашни хоҳлайди. У жамоанинг бир қисми», – деди Зидан.