Суперлигада 24-тур учрашувлари бўлиб ўтди. «Навбаҳор»ни қабул қилган «Бунёдкор» жуда қийин ўтган учрашувда муҳим ғалабани қўлга киритди.

Баҳсни юқори кайфиятда, ҳужумкор руҳда бошлаган тошкентликлар 9-дақиқадаёқ меҳмонлар дарвозасини ишғол қилди. Нурилло Тўхтасинов ўзининг ажойиб зарбаси билан дарвозани нишонга олди.

Шундан сўнг ўйин темпи бироз пасайди ва меҳмонлар ҳам ҳужумкорликни оширишди. Шундай ҳужумларнинг бирида Анвар Ғофуров қўпол хатога йўл қўйиб, рақиб 17 метрлардан жарима тўпи тепиш имкониятига эга бўлди. Азиз Турғунбоев кучли ва аниқ зарбасини билан ҳисобни тенглаштирди. Жамоалар танаффусга шу ҳисобда чиқиб кетди.

Иккинчи бўлимда энди ҳар иккала жамоа навбати билан дарвозалар олдида ҳужум ташкил қилди. 67-дақиқада меҳмонлар Хуршид Ғиёсовга нисбатан қўполлик ишлатишди. Фирдавс Норсафаров 11 метрлик нуқтага кўрсатди. Пенальтини жабрланувчининг ўзи аниқ амалга ошириб, якунда «Бунёдкор»га ўта муҳим уч очкони тақдим қилган гол муаллифига айланди.

Coca Cola Суперлига. 24-тур
«БУНЁДКОР» – «НАВБАҲОР» - 2:1 (1:1)
Голлар: Нурилло Тўхтасинов, 9 - 1:0. Азизбек Турғунбоев, 34 - 1:1. Хуршид Ғиёсов, 67-пенальтидан - 2:1.
Огоҳлантиришлар: Александр Касян, 10. Исломжон Қобилов, 14. Нодир Мавлонов, 55. Игорь Голбан, 82. Мирзоҳид Ғофуров, 90+3.
«Бунёдкор»: Абдумавлон Абдужалилов, Исломжон Қобилов, Анвар Ғофуров, Дилшод Аҳмадалиев, Хуршид Ғиёсов (Санжар Турсунов, 70), Жавоҳир Қаҳрамонов, Лутфулла Тўраев, Санжар Қодирқулов, Нурилло Тўхтасинов, Шоҳруҳ Гадоев, Санжар Рихсибоев (Жасурбек Жалолиддинов, 49; Владислав Нуриев, 90+1).
«Навбаҳор»: Ўткир Юсупов, Иван Соловьев (Аюбхон Нўъмонов, 76), Азизбек Турғунбоев, Александр Касян, Обид Жўрабоев, Мирзоҳид Ғофуров, Игорь Голбан, Ғиёсжон Комилов, Аббосжон Ғуломов (Азиз Ибрагимов, 62), Нодир Мавлонов, Амирбек Жўрабоев (Шаҳзод Шайманов, 58).
Ҳакамлар: Фирдавс Норсафаров, Фарҳод Усмонов, Зуфар Алибоев, Равшан Абдувоҳидов.
Назоратчи: Олег Дачев.
Комиссар: Сардор Қудратуллаев.
24 ноябрь. Тошкент. «Бунёдкор» академияси майдони. 1045 томошабин.