"Барселона" ҳимоячиси Самюэль Умтити келажакда "Лион"га қайтиши мумкинлигини айтди.
"Мен мураббий бўлишни истайман. Машғулотларда қайдлар ёзаман, мураббийларни дарсларни қандай олиб боришини кузатаман.
"Лион"га футболчи ёки мураббий сифатида қайтишим мумкин.
"Барселона"да мослашишимга келсак, ҳаммаси яхши кечди. Мен барча совринларни ютган энг яхши ўйинчилар қуршовида эдим, лекин шу билан бирга камтар одамларни кўрдим. Улар туфайли, мослашишим жуда осон кечди ”, деди Умтити.
Маълумот учун, 26 ёшли ҳимоячи "Лион" тарбияланувчиси ҳисобланади.
2016 йилда Умтити 25 миллион евро эвазига "Барселона"га кўчиб ўтди.
Ушбу мавсумда футболчи Ла Лиганинг атиги 3 та ўйинида майдонга тушди.
