Каталониянинг "Барселона" клуби футболчиси Карлес Перес "Интер" клубига бўлиб ўтган учрашув ҳақидаги фикрлари билан ўртоқлашди.
"Европа чемпионлари лигасида дебют учрашувини ўтказганимдан бахтиёрман, бундай афсонавий стадионда гол уриш эса - орзу. Ўйинга киришиб кетишимиз қийин кечди, лекин биринчи киритган голимиздан, менимча ўйинни назорат қила бошладик. Фати ноёб иқтидор эгаси. Ўйлайманки, мен ва у – бизнинг академиямиздаги ёш болакайлар учун намунамиз. "Барса" ёшларга ишонади.Агар етарлича яхши футболчи бўлсангиз, у ҳолда “Барса”нинг асосий таркибидан жой олишингиз аниқ", - деди футболчи.