Миллий терма жамоадан фақатгина энг кучли футболчилар чақирув олиши ҳеч кимга сир эмас. Шундай бўлсада, энг кучлиси бўлиш терма жамоада тўп суришни кафолатлаб бермайди. Футболчидан шунингдек, тартиб-интизом ва ўз ишига бўлган фидойилик талаб этилади. Бугун ўз терма жамоаларидан ғалати сабабларга кўра қувилган ёки ўз хоҳиши билан кетган футболчилар ҳақида сўз боради.
Ярослав Ракицкий
Бир неча бор Украинанинг энг яҳши футболчиси деб топилган ҳимоячи мухлислар томонидан кўп бор танқид қилиб келинган. Кўпинча Украина жамоасига чақирув олгач, жароҳат ортириб олувчи ҳимоячи ҳозирда мухлислар томонидан қаттиқ босим остида қолиб кетди. Барчасига унинг “Зенит” клубига ўтгани сабаб бўлди, десак адашамган бўламиз. Кўплаб огоҳлантириш ва танбеҳларга қарамай Россия чемпионатида тўп суришни авзал кўрган Ракицкийнинг тақдири бир кунда ҳал этилди. “Зенит”га ўтгани ҳақидаги расмий хабар чиқиши билан Украина футбол федератсияси ҳимоячини ўз расмий сайтидан тўлиқ ўчириб ташлади ва у ҳақидаги барча маълумотларни йўқ қилди. Тўғри, футболчининг ўзи терма жамаода тўп суришга қарши эмас, бироқ уни энди ҳеч қачон сариқ либосда кўрмаслигимиз аниқ. Андрей Шевченко футболчининг ёнини олиш орқали ўз обрўсини тўкишни истамади ёки сиёсий ўйинларга аралашиб қолишдан чўчиб у ҳақидаги барча саволларга салбий жавоб қайтармоқда.
Никола Анелка
2010-йилда бўлиб ўтган ЖЧ Франция футболи тарихидаги энг шармандалиси эди десак, адашмаган бўламиз. Гуруҳда 4-ўрин ва ички низолар ушбу юрт футболининг мавқейини кескин тушиб кетишига сабаб бўлди. Барчаси Мексика билан ўйиннинг танафусида бошланди. “Уч ранглилар” устози Раймон Доменек ўз футболчиларини кескин танқид қилади. Айниқса Анелка борасида мураббий ўзининг номақул сўзларини ишлатади. Бунга чидаб тура олмаган Никола ва Доменек ўртасида катта жанжал келиб чиқади. Иккинчи бўлим стартида мураббий ҳужумчини заҳирага олади. Ўз ўрнига кетаётган футболчи мураббийнинг манзилига куракда турмайдиган сўзларни айтади. Афсуски, ушбу сўзлар камерага тушиб қолади ва эртаси куни бутун Франция матбуоти ушбу мужорони ўзича таҳлил қилишни бошлайди. Воқеядан хабар топган Франция футбол федератсияси раҳбари Анелкадан оммавий равишда кечириб сўрашини талаб қилади, лекин мағрур француз бундан бош тортади ва ўша куни жамоа лагерини тарк этади. Мундиалдан сўнг, кўплаб футболчилар жазо олишди. Анелка эса, 18 ойга терма жамоадан четлатилди. Футболчи эса, халқаро аренадаги иштирокини якунлагани ҳақида баёнет бериди ва бошқа бу мавзуга қайтмади.
Карим Бензема
Карим сўнгги йилларда замонавий футболдаги энг кучли ҳужумчилардан бири даражасига кўтарилган бўлсада, ўз терма жамаосидан қувилган футболчи саналади. 10 йилдан бери юлдузлардан иборат жамоада ўз ўрнини йўқотмай келаётган ҳужумчи учун терм жамоа эшиклари ёпилганига анча бўлди. 2015-йилда Валбуена билан бўлган катта жанжал ортида Бензема қамоққа равона бўлиши ҳам мумкин эди. Асли жазоирлик бўлган футболчи ўзини жамоадошига ёрдам бермоқчи бўлганини айтган бўлса, Валбуена уни қўрқитган жиноятчилар билан Бенемани таниш эканлигини маълум қилди ва уни ҳам ўзи билан ботқоққа тортиб кетди. Узоқ давом этган суд жараёни Бенземани айбсиз деб топган бўлсада, Франция футбол федератсияси унинг учун терма жамоа эшикларини ёпиб қўйди. Оқибатда, Бензема Россияда бўлиб ўтган ЖЧдан қолиб кетди ва ўз ҳаётидаги энг катта ютуқлардан бирини қўлга киритишдан мосуво бўлди.
Кевин Принс Боатенг
Гана терма жамоаси футболчиси бўлишига қарамай, қаҳрамонимиз Берлин шаҳрида таваллуд топган ва Германиянинг барча ёшдаги терма жамоаларида тўп суради. 19 ёшгача бўлган футболчилар ўртасидаги ЖЧ олдидан лагерни тарк этган Боатенг тонгга яқин маст холда жамоа қароргоҳига кириб келади. Унинг бундай йўл тутгани учун Германия футбол федератсияси унинг барча эшикларни ёпиб қўяди. Кевин узоқ ўйлаб ўтирмайди ва тезда Гана фуқоролигини олади ва ЖАРда бўлиб ўтган ЖЧда муваффақиятли иштирок этади. 24 ёшида жисмонан толиқиб қолгани боис терма жамоадан кетган Боатенгга 2014-йилда яна бир бор имкон тақдим этишади. Афсуски, Боатенг футболчиларнинг ҳуқуқини ҳимоя қилиш мақсадида терма жамоа раҳбарлари билан учрашув ўтказади ва ФИФА томонидан берилган ҳомийлик пули қаерга кетганини билан қизиқади. Бундан ғазабланган Гана футбол раҳбарлари уни терма жамоа лагерини тезда тарк этишини талаб қилишади. Орадан 1 бир ой ўтиб Боатенг терма жамоадаги фаолиятини якунлаганини расман эълон қилди.
Месут Ўзил
Сўнгги ЖЧда гуруҳдан ҳам чиқа олмаган “Бундестим” катта танқид остида қолиб кетганидан хабарингиз бор. Айниқса, жамоа етакчиси Месут ўзилга бўлган муносабат кескин ўзгариб кетди. ЖЧ олдидан (Май ойида) Лондонда Туркия президенти Ражаб Эрдоган билан учрашган Ўзил катта босим остида қолиб кетган эди, ЖЧдаги омадси иштирок эса, Ўзилга бўлган босимни янада ошриб юборди. Немис газетлари қаҳрамонимизни кескин танқид қилишга тушиб кетди. Ўзил эса, ўз твиттерида : “Агар биз ғалаба қозонсак немисман, мағлубиятга учрасам яна муҳожирга айланама. Улар мени ҳеч қачон қабул қилишмайди. Мен Германия мактаблари учун ҳайрия қиламан, шу юрт учун ЖЧда ғолиб чиқдим, ўз фаолиятимни ушбу юрт футболига бағишладим, лекин манзил сўнггида яна муҳожирга айландим.”,- деди ва орадан бир ҳафта ўтиб терма жамоадаги фаолиятини якунлаганини расман эълон қилди.
