Ўз тарихида илк марта Европа чемпионлар лигасида иштирок этаётган "Аталанта" мўжиза туфайли кейинги босқич йўлланмасини қўлга киритди.

Бергамоликлар дастлабки 3та турда мағлубиятга учрашган эди. Қолган 3та ўйинда қўлга киритилган 7 очко "Аталанта"ни плей-оффга олиб чиқди.

Италияликларга қарши ўз уйидаги ўйинда "Шахтёр"ни дуранг натижа ҳам қаноатлантирар эди. Учрашув давомида ҳар иккала жамоа кўплаб вазиятлар яратишди, аммо уларни якунлашда донецкликларга маҳорат етишмади. Иккинчи бўлим ўрталарида меҳмонлар томонидан уюштирилган комбинация ўз самарасини берди ва Кастань ҳисобни очди.

77-дақиқада "Шахтёр" футболчиси рақиб юзига атайлаб ургани учун майдондан четлатилди. Орадан 3 дақиқа ўтиб эса "Аталанта" ҳисобдаги фарқни иккитага оширди. Бурчакдаги байроқ яқинидан узатиб берилган тўп йўналишини Пашалич оёғи билан бироз ўзгартиргани Пятовни чалғитиб қўйди.

Иккинчи бўлимга қўшиб берилган дақиқаларда эса ҳимоячининг қўпол хатосидан кейин Госенс украиналиклар дарвозасига учинчи тўпни йўллади.

Плей-офф йўлланмасини муддатидан аввал қўлга киритган «Манчестер Сити» клуби сўнгги турда Загребда "Динамо" клуби меҳмони бўлиб, йирик ҳисобда ғалаба қозонди. Габриель Жезус "хет-трик"ни расмийлаштирди.

Шу тариқа, «Аталанта» 7 очко билан гуруҳда 2-ўринни эгаллади ва кейинги босқичга йўл олди. "Шахтёр" эса ўз юришини Европа лигасида давом эттиради.

Европа чемпионлар лигаси,
"C" гуруҳи, 6-тур
Шахтёр Украина – Аталанта Италия 0:3 (0:0)
Голлар: 0:1 – 66 Кастань, 0:2 – 80 Пашалич, 0:3 – 90 Госенс.
Шахтёр – Пятов, Додо, Кривцов, Матвиенко, Исмаили, Тайсон, Алан Патрик, Коваленко (Соломон, 71), Степаненко, Тете (Марлос, 59), Мораес.
Аталанта – Голлини, Госенс, Паломино, Масьелло (Малиновский, 61), Кастань, Пашалич, де Рон, Гомес (Хатебур, 90), Фройлер, Гимшити, Муриэль (Рожер, 71).
Огоҳлантиришлар: Муриэль (23), Алан Патрик (50), Додо (63), Фройлер (74), Хатебур (90).
Четлатиш: Додо (77).

Динамо Загреб Хорватия – Манчестер Сити Англия 1:4 (1:1, 0:3)
Голлар: 1:0 – 10 Ольмо, 1:1 – 34 Габриэл Жезус, 1:2 – 50 Габриэл Жезус, 1:3 – 54 Габриэл Жезус, 1:4 – 84 Фоден.
Динамо Загреб – Ливакович, Мубандже, Стоянович, Дилавер, Адеми, Моро, Гояк (Маер, 81), Оршич (Хайрович, 81), Ольмо, Кондзер (Джира, 59), Петкович.
Манчестер Сити – Браво, Менди, Жоау Канселу, Эрик Гарсия, Отаменди (Харвуд-Беллис, 82), Родри Эрнандес (Стерлинг, 73), Гюндоган, Бернарду Силва, Фоден, Марез, Габриэл Жезус (Зинченко, 66).
Огоҳлантириш: Адеми (34).