18-20 декабрь кунлари Хитойнинг Уси шаҳрида таэквондо бўйича Катта дубулға туркумига кирувчи мусобақанинг якуний босқичи бўлиб ўтади. Аҳамиятли жиҳати мусобақа якунида Катта дубулға рейтингида биринчи ўринни қўлга киритган таэквондочи Токио Олимпиадаси йўлланмасини ҳам қўлга киритади. Шунингдек, Усида ўтадиган босқич ғолиблари 70 минг АҚШ доллари миқдоридаги пул мукофотига ҳам эга бўлади. Шу боис мазкур мусобақага бўлган қизиқиш янада юқори бўлиб турибди.

Ушбу Катта дубулға турнирида ўзбекистонлик 5 нафар таэквондочи ҳам ғолиблик учун баҳс олиб боради. Мусобақада иштирок этувчи вакилларимиз билан танишинг:

-68 кг: Жасурбек Жайсунов
-80 кг: Никита Рафалович
-49 кг: Чарос Қаюмова
-67 кг: Нигора Турсунқулова
+67 кг: Светлана Осипова