Лондоннинг «Арсенал» клуби собиқ бош мураббийи Унаи Эмери лондондаги фаолияти ҳақида сўзлади.

— Ўйлайманки, “Арсенал”даги биринчи мавсумни ёмон ўтказмади. Клуб билан Европа Лигасини қўлга киритиш ниятида эдик, финалгача етиб келдик ва шу орқали ЕЧЛга чиқиш учун охриги сониягача кураш олиб бордик.У менинг АПЛдаги биринчи мавсумим эди ва бу яхши бошланганидан дарак берарди. Ҳаттоки ўша мавсумдан кейин шартномани узайтириш борасида гап-сўзлар ҳам бўлган эди. Назарий жиҳатдан бу мавсум ҳам оптимистик кўринишда бўлди. Жамоа ўйинларини кучайтиришни ва натижаларга қўлга киритишни хоҳладик. Аммо, кутилмаганда биз мавсумни ёмон бошладик. «Шеффилд» клубидан қабул қилиб олинган (0:1) мағлубият биз учун катта руҳий зарба бўлди, ҳамма руҳий тушкунликка тушиб қолди. Мен клубда жабр чекаётганимни одамлар гапиришди. Улар ҳақиқатни гапирган эдилар. “Арсенал”да қандай азобланганимни барча кўриши мумкин эди. Бу нормал ҳолат эди! Жамоа ғалаба қозонмаса ҳамма айб бош мураббийда бўлади. Жамоа кетма-кет ўйинларда мағлубиятга учрайверса, бош мураббий янада азобланаверади. Бундай вазиятлардан ҳаммадан кўра кўпроқ бош мураббийга қийин бўлади, - деди Эмери ВВС билан суҳбатда.