Гаттузо бошчилигидаги "Наполи" Италия чемпионатининг 17-тури доирасида "Сассуоло" клуби меҳмони бўлиб, жуда қийин ғалабани қўлга киритди.

Биринчи бўлимнинг 29-дақиқасида Ҳамид Траоре меҳмонлар дарвозасини ишғол қилиб, "Сассуоло"ни олдинга олиб чиқди.

Иккинчи таймда эса устунлик тўлалигича неаполликлар томонида бўлди. Улар 57-дақиқада Алланнинг голи эвазига ҳисобни тенглаштиришди.

Ўйиннинг сўнгги дақиқаларига келиб Гаттузо шогирдлари босимни ошириб боришди. 78-дақиқада Хосе Кальехоннинг зарбасидан кейин тўп тўсинга тегиб қайтган бўлса, орадан 3 дақиқа ўтиб "Наполи"нинг голини VAR бекор қилди — кичик офсайд.

Иккинчи бўлимга қўшиб берилган дақиқаларнинг сўнггиси ўтиб бораётганида меҳмонлар бурчак зарбасини амалга оширишди. Ди Лоренцо бош билан тўпни олис устун томон йўналтирган бўлса, у ерда Элмаз билан тўп учун кураш олиб борган Обианг ўз дарвозасини ишғол қилиб қўйди.

Шу тариқа, Италия чемпионати доирасида кетма-кет 8та ўйиндан бери ғалаба қозона олмаётган "Наполи", "Сассуоло" майдонидан 3 очко билан қайтадиган бўлди.

Италия А серияси, 18-тур
Сассуоло – Наполи 1:2 (1:0, 0:2)
Голлар: 1:0 – 29 Траоре, 1:1 – 57 Аллан, 1:2 – 90+4, автогол Обианг.
Сассуоло – Пеголо, Пелузо, Марлон (Романья, 51), Кирьякопулос, Мюльдюр, Локателли, Обианг, Данкан (Джуричич, 64), Траоре, Бога (Маньянелли, 82), Капуто.
Наполи – Мерет, Манолас, Ди Лоренцо, Мариу Руй, Луперто (Хюсай, 46), Зелиньски, Аллан, Инсинье, Фабиан Руис (Элмаз, 70), Кальехон, Милик (Мертенс, 77).
Огоҳлантиришлар: Мариу Руй (33), Траоре (37), Локателли (66), Элмаз (72).