«ПСЖ» ҳужумчиси Неймар 2020 йилнинг ёзида «Барселона»га ўтиши мумкин. Бу ҳақда Mundo Deportivo хабар тарқатди.
Манбага кўра, бразилиялик футболчининг мавсум давомидаги ўйинидан келиб чиқиб, каталонияликлар ушбу трансфер борасида якуний қарорга келишади.
Неймар ФИФА регламентидан фойдаланиб, "ПСЖ"ни тарк этиши мумкин. "Ўйинчиларнинг мақоми ва ўтиши ҳақидаги низом"нинг тегишли бандига кўра, бир клубда камида 3 мавсум ўйнаган ҳамда 28 ёшга тўлган футболчи компенсация эвазига ўз ҳуқуқини сотиб олиши мумкин. Маълумотларга қараганда, унинг компенсация пули ушбу мавсумдан кейин 180 млн еврони ташкил қилади.
