Мадриднинг “Реал” клуби мавсум якунигача “Реал Сосьедад”га ижарага берилган ярим ҳимоячиси Мартин Эдегорни муддатидан аввал ортга қайтармоқчи. Бу ҳақда AS нашри хабар тарқатмоқда.
Таъкидлаш керакки, томонлар дастлаб футболчини 2 мавсумга ижарага бериш бўйича келишиб олишган эди. Бироқ, “қироллик клуби” норвегиялик футболчининг ўйинида анча ўсиш бўлганини сезгач уни “Сантьяго Бернабеу”га қайтаришга қарор қилган.
Маълумот учун, Эдегор жорий мавсум Ла Лигада жами 16 та ўйинда майдонга тушди ва ўз ҳисобига 4 та гол ҳамда 5 та голли узатма ёздириб қўйишга эришди.
