Мадриднинг «Реал» клуби келаси йилнинг ёзида Мартин Эдегорни «Реал Сосьедад» клубидан қайтариб олиши мумкин.
21 ёшли футболчининг Сан-Себастьян клуби билан ижара шартномаси 2021 йилгача мўлжалланганди. Бироқ, “Реал” раҳбарияти футболчининг жорий мавсумдаги ўйинларидан қониқиш ҳосил қилмоқда ва шу сабабли уни жамоага қайтаришмоқчи.
Эдегор «Реал» клубига 2015 йилда Норвегиянинг «Стремсгодсет» клубидан ташриф буюрган. Ўша пайтда у 16 ёш эди. 2019 йилнинг июль ойида эса «Реал Сосьедад» клубига ижарага бериб юборилган эди.