"Реал" футболчилари 3 марта рақиб дарвозаси устуни ёки тўсинини нишонга олишди. Натижада "Қироллик клуби" бу учрашувда 2 очко йўқотди.

Умуман олганда, ушбу мавсумда "Мадрид" футболчилари томонидан йўлланган зарбаларнинг 11таси рақиб дарвозаси тўсини ёки устунларига тегди. Бу кўрсаткич бўйича «Осасуна» олдиндан — 14та. «Барселона» ва «Атлетико»нинг кўрсаткичлари эса — 5та ва 7та.

Агар "Реал" футболчилари зарбаларни аниқроқ йўллашганида, улар ҳисобидаги очколар сони 9тага кўпроқ бўлиши мумкин эди. Жамоа "Атлетик" билан бўлган ўйиндан ташқари «Вальядолид» (1:1), «Вильярреал» (2:2), «Барселона» (0:0)га қарши учрашувларда 2 очкодан йўқотган бўлса, «Мальорка» билан ўйинда (1:0) дурангга эришиши мумкин эди.

Бу борада энг омадсиз футболч Карим Бензема бўлиб турибди. У 5 марта рақиб устунини нишонга олган бўлса, Йовичнинг зарбаларидан кейин тўп 2 марта тўсинга тегди.

Бошқа томондан, "қаймоқранглилар"га қарши ўйинда фақат битта рақибнинг зарбасидан кейин тўп устунга тегди. «Алавес»нинг бу зарбаси голга айланганида, улар "Сантьяго Бернабеу"дан 1 очко билан қайтиши мумкин эди (2:1).