Германиянинг "Ганновер" клуби ҳимоячиси Вальдемар Антон фаолиятини Россияда давом эттириши мумкин.
23 ёшли футболчига Москванинг "Локомотив" клуби қизиқиш билдирмоқда. Бу ҳақда championat.com хабар бермоқда.
Манбанинг маълум қилишича, "Локомотив" устози Юрий Сёмин ҳимоя қўрғонини айнан Вальдемар Антон билан кучайтирмоқчи. Томонлар ҳозирча келишувга эришганлари йўқ.
Маълумот учун, Антон ҳозирда "Ганновер" клуби сафида иккинчи Бундеслигада тўп сурмоқда. Ушбу мавсумда Вальдемар 16 ўйинда майдонга тушган бўлиб, унинг жамоаси 18 жамоа орасида 13-ўринда бормоқда.
Эслатиб ўтамиз, Вальдемар Ўзбекистонда туғилган бўлиб, ўз вақтида Германияга кўчиб ўтган.
