Лондоннинг "Челси" клуби бош мураббийи Фрэнк Лэмпард Виллиан билан янги шартнома борасида музокара олиб борилаётганлиги ҳақида хабар берди.
Эслатиб ўтамиз, Вилланнинг “Челси” билан амалдаги шартномаси 2020 йилнинг ёзида ўз якунига етади. У билан эса келаси ҳафта янги шартнома имзоланиши кутилмоқда.
"Ҳақиқатдан ҳам Виллиан янги шартнома борасида музокара ўтказмоқда. Ҳозир молиявий тарафлар муҳокама қилинмоқда. У ажойиб футболчи ва у мен учун муҳим футболчи. Унинг ажойиб иқтидори бор. Уни бутун жамоадаги футболчилар ёқтиради, Виллиан — юқори савиядаги футболчи саналади ва шундай футболчи қўл остида ўйнаётганидан хурсандман", —Лэмпарднинг сўзларидан иқтибос келтирмоқда Daily Mail.
